Darhaqiqat, YECHL tunir doirasidagi finallarning 6 tasi bir davlatning ikki klubidan iborat bo‘lgan va bu mavsumdagi final bunday finallarning yettinchisi sifatida tarixga kiradi. Bugun bundan avvalgi 6 ta final haqida qisqacha
2000-yil Parij
«Real Madrid»: «Valensiya»
Final oldidan ko‘plab mutaxassislar Ektor Kuper boshchiligidagi «ko‘rshapalaklar»ni fovorit deb qayt etishgan edi. O‘sha mavsumda Kuper va uning shogirdlari o‘ta ishonchli o‘yin namoyish etib finalga yetib kelgan edi. «Real Madrid» esa, «La liga»da 5-o‘rin bilan cheklanishga majbur bo‘lgan edi. Final uchrashuvi kutilmaganda «Real Madrid»ning yirik 3 : 0 hisobidagi g‘alabasi bilan yakunlanadi. Ektor Kuper shogirtlariga o‘sha uchrashuvda o‘z kuchiga ishonch yetishmagan bo‘lsa, keyingi mavsumdagi finalda biroz omad yetishmaydi va ular YCHL finalida«Bavariya»ga yutqazib qo‘yishadi.
2003-yil «Manchester»
«Yuventus» : «Milan»
2002 – 2003 - yildagi mavsumda «Yuve» katta farq bilan chempionlikni qo‘lga kiritgan bo‘lsa, «Milan» 3-o‘rin bilan «A seriya»ni yakunlagan bo‘lsada, finalda omad ularga kulib boqadi. «Penaltilar seriyasi»da Andrey Shevchenkoning so‘nggi zarbasi uchrashuvga nuqta qo‘yadi. O‘sha finaldan so‘ng, «Milan» yana bir bor YCHLda g‘olib chiqishning uddasidan chiqqan bo‘lsa, «Yuventus» finallarda Ispan klublariga imkoniyatni boy berib qo‘ydi.
2008-yil «Moskva»
«Chelsi» : «Manchester Yunayted»
Moskvada bo‘lib o‘tgan YCHL finali chinakam inglizcha bo‘lgan edi. Gollar, qizil kartochka, kutilmagan burilish, Ronaldu va Terrining noaniq penaltini amalga oshirgani… Voqealarga boy bo‘lgan uchrashuvning asosiy vaqtida hisob 1 : 1 bo‘lgan «Penaltilar seriyasi»da Jon Terriyning sirpanib ketishi «Chelsi»ni YCHL g‘olibligidan mahrum qilgan edi. O‘sha noaniq penaltidan so‘ng Jon Terriy shu qadar ruhan cho‘kib qolgan ediki, o‘ziga kelishi uchun uzoq vaqt ruhshunos yordamidan foydalangan edi.
2013-yil «London»
«Borussiya Dortmund» : «Bavariya»
«Bundesliga»ning ikki grand klublari to‘qnashuvi «Bavariya»ning 2 : 1 hisobidagi g‘alabasi bilan yakunlangan va o‘sha mavsumdan boshlab Yurgen Kloppning hayotidan omad deb ataluvchi bevafo narsa butunlay chiqib ketgan edi. Londondagi bahsdan so‘ng Klopp 2 bor Germaniya kubogi, bir bor Angliya Liga kubogi, YCHL finali, Yevropa Ligasi finallarida mag‘lubiyatga uchraydi va hozirga qadar birorta sovrinni qo‘lga kirita olamaganiga ishonish qiyin
2014-yil «Lissabon»
«Atletiko Madrid» : «Real Madrid»
18 yildan so‘ng yana Ispaniya chempionligini qo‘lga kiritgan Simeoni shogirdlari, «Lissabon»dagi final uchrashuvida hisobni ochishgan, va bu natija 93 daqiqaga qadar saqlanib turgan edi… Baxtga qarshi so‘nggi daqiqalarda burchak to‘pidan unumli foydalangan Serhio Ramos o‘yinni qo‘shimcha taymlarga o‘tkazgan va qo‘shimcha taymlarda ruhan sinib qolgan «Atletiko Madrid» yana 3 golni o‘z darvozasidan olib chiqqan edi.
2016-yil «Milan»
«Atletiko Madrid» : «Real Madrid»
Madridning ikki klubi to‘qnash kelgan ikkinchi final uchrashuvida yana Serhio Ramos gol urib hisobni ochgan, ikkinchi bo‘limda esa, Karasko imkoniyatlarni tenglashtirgan edi. Penaltilar seriyasiga qadar cho‘zilgan uchrashuvning antiqahramoni sifatida Xuanfran katta sahnaga chiqadi va «Real Madrid» jamoasining chempionligi uchun katta yordam berib yuboradi.
«Tottenhem» : «Liverpul»
Hisob bo‘yicha bir davlat klublari o‘rtasidagi 7-final uchrashuviga bo‘lgan qiziqish yuqoridagi uchrashuvlardan zarracha ortda qolmasligi aniq. Ko‘ramiz final uchrashuvi Britaniyaning qaysi klubi tarix kitobida oltin harflar bilan o‘z nomini yozib qo‘yar ekan?!
