“Vest Xem” “Barselona”ning portugaliyalik yarim himoyachisi Andre Gomesh transferi bo‘yicha kelisha olmadi. Bu haqida Sky Sports nashri xabar tarqatdi.

Manbaning xabariga ko‘ra, London klubi portugaliyalik futbolchiga 20 million yevro taklif qilgan, ammo rad javob olgan. “Barselona” yarimhimoyachisini 28-38 million yevroga baholamoqda.

Eslatib o‘tamiz, futbolchiga shuningdek, “Everton” va “Tottenxem” jamoalari ham qiziqish bildirmoqda. Futbolchi o‘tgan mavsumni ijara asosida “Everton”da o‘tkazdi.