«Real» yarim himoyachisi Isko o‘zining sevgilisi tufayli jamoani tark etmaydigan bo‘ldi. Marca nashri tarqatgan xabarga ko‘ra, aktrisa Sara Salamo homilador. Shu bois, 27 yoshli futbolchi Madriddan boshqa jamoaga ketmoqchi emas.

"Real" boshqaruviga Zayniddin Zidan kelganidan keyin Isko 541 daqiqa davomida maydonda harakat qildi. Bu Karima Benzema, Rafael Varan va Marselodan keyin to‘rtinchi ko‘rsatkich.

Ammo «Qirollik klubi» yangi transferlarni amalga oshirish uchun bir necha nafar futbolchini sotishi kutilmoqda. Jumladan, taklif tushadigan bo‘lsa, Isko ham transferga qo‘yilishi mumkin.

Ispaniyalik o‘yinchining transfer narxi 60 mln yevroga baholanmoqda. Avvalroq Iskoga «Manchester Siti» va «Manchester Yunayted» tomonidan qiziqishlar bo‘lgan edi.

Yarim himoyachi 2018/19 yilgi mavsumda «Real» safida 37ta o‘yinda maydonga tushib, 6ta gol urdi va bitta golga uzatma berdi.