7 iyun kuni Istanbulda taniqli futbolchi Mesut O‘zil va uning qallig‘i Omina Gulshening nikoh to‘yi bo‘lib o‘tdi.
“Arsenal” futbolchisi to‘yiga faxriy mehmon sifatida Turkiya prezidenti Rajab Toyyib Erdo‘g‘an rafiqasi bilan birga tashrif buyurgan. Futbolchining rafiqasi turk fuqarosi.
Avvalroq futbolchi va uning qallig‘i nochor oilalarning minglab farzandlarining jarrohlik operasiyalari pulini to‘lab berishga qaror qilishgani ma’lum bo‘lgandi.
O‘zil to‘y sovg‘alarini olmaslikka qaror qilgan va mehmonlardan sovg‘alar o‘rniga turli davlatlardagi bolalarning operasiyalarini xayriya tashkilotiga ehson qilishni iltimos qilgan.
O‘zil 2014 yilgi jahon chempionatidagi ishtiroki uchun olgan 240 ming funt sterlingni braziliyalik 23 bolaning operasiyasi uchun sarflagani ma’lum qilingandi.
