“Yuventus” “Manchester Yunayted” yarim himoyachisi Pol Pogbaga qiziqish bildirmoqda.
Turinliklar 26 yoshli futbolchini ortga qaytarish uchun jiddiy bel bog‘lashgan. “Yuventus” direktori Pavel Nedved “Real”dan oldin vaziyatni o‘z tarafiga og‘dirib olish maqsadida fransiyalik futbolchining agenti Mino Rayola bilan aloqaga chiqib bo‘lgan.
La Gazzetta dello Sport nashri jurnalisti Nikolo Skirining xabar berishicha, “qizil iblislar” Pogba uchun turinliklardan 150 mln yevro so‘ramoqda.
Ma’lumot o‘rnida, Pogbaning “MYU” bilan tuzgan shartnomasi 2021 yilgacha amal qiladi.
