“Buxoro” – “Paxtakor” uchrashuvidan so‘ng mezbonlar ustozi Muhsin Muhammadiyev quyidagicha fikr bildirib o‘tdi:
- Nima deyishga ham hayronman, bugun o‘yinni to‘laligicha raqibga boy berdik. O‘yinga tayyor emas ekanimiz ko‘rinib qoldi. “Paxtakor” – o‘zbek futboli yetakchisi. Ular yosh futbolchilarini ijaraga berishadi, lekin o‘sha futbolchilar “Paxtakor”ga qarshi o‘ynamasligi so‘raladi. Bu holatni tushuna olmayapman. Nima ham derdim, bu – futbol. Ushbu holatni hali yengib o‘tamiz. “Paxtakor” bilan esa ikkinchi davrada ham o‘yin o‘tkazamiz. Bugungi bahsga kam vaqt qolgani sabab jamoani mazkur o‘yinga to‘liq o‘zim tayyorlamadim. Bunday vaziyatlar bo‘lib turadi. Bu – futbol. Vaziyatni o‘nglashga va xatolarni tuzatishga harakat qilamiz, - dedi mutaxassis.
