Milanning “Inter” klubi “Manchester Yunayted” hujumchisi Romelu Lukakuni sotib olishga jiddiy bel bog‘ladi.

Football Italia nashrining xabar berishicha, “neradzurrilar” vakillari 26 yoshli futbolchining transferi borasida muzokara o‘tkazish uchun Angliyaga yo‘l olishgan.

Mankunianliklar belgiyalik futbolchini sotishga qarshi emas, biroq u uchun 80 mln yevro talab qilishmoqda. “Inter” esa bunday miqdordagi pulni to‘lashga tayyor emas.

Ma’lumot o‘rnida, o‘tgan mavsum Lukaku 32 ta o‘yinda maydonga tushib, 12 ta gol va 1 ta golga assisentlik qildi.