Farhod Nishonov murabbiylik qilayotgan U-14 jamoasi "Minsk Kubogi" xalqaro turnirida finalda o‘ynaydigan bo‘ldi.

Guruh bosqichining 4-turida "Minsk" bilan to‘qnash kelgan tarbiyalanuvchilarimiz osonlik bilan mezbonlarni dog‘da qoldirishdi. Ravshan Abdumannonov, Denis Sungatulin va Temur Odilov kiritgan to‘plar jamoamizning 3:1 hisobidagi g‘alabasini ta’minladi. Yarim finalda esa Latviyaning "Daugavpils" jamoasi tarbiyalanuvchilari 2:0 hisobida dog‘da qoldirildi. Dastlab Said Gadjiyev penaltidan unumli foydalangan bo‘lsa, keyin Sarvar Adhamov oradagi farqni ikkitaga yetkazdi. Ertaga bo‘lib o‘tadigan final bahsida "Paxtakor" guruhdoshi Kiyevning "Dinamo" jamoasi bilan maydonga tushadi.