Joriy yilning noyabr oyida U-19 Osiyo Chempionati-2020 saralash bahslari o‘tkaziladi. Saudiya Arabistoni mezbonlik qiladigan saralash bahslariga tayyorgarlik olib borayotgan O‘zbekiston yoshlar terma jamoasi poytaxtimizda yig‘in o‘tkazdi.

Otabek G‘ulomxo‘jayev boshchiligidagi O‘zbekiston yoshlar terma jamoasi 8 iyuldan Toshkentda yig‘inga kirishgan edi. Bosh murabbiy terma jamoa o‘zagini shakllantirish va terma jamoaga nomzod futbolchilar harakatlarini ko‘zdan kechirish maqsadida ushbu yig‘inga jami 30 nafar futbolchi chaqirishga qaror qildi.

Yig‘in mobaynida 3 ta nazorat uchrashuvi o‘tkazilishi ham ko‘zda tutilgan edi. Bugun so‘nggi o‘yin o‘tkazildi. Unda terma jamoamizga “Lokomotiv U-21” jamoasi raqiblik qildi. Qiziqarli kechgan o‘yinda yoshlar terma jamoamiz 2:1 hisobida g‘alaba qozondi.

Sinov-nazorat uchrashuvi
O‘zbekiston yo.t.j. – “Lokomotiv U-21” 2:1
Gollar: Ibrohim Ibragimov (49), Husain Norchayev (87) – Ibrohim G‘anixonov (20).
O‘zbekiston yo.t.j: Amal Shavketov, Alibek Davronov, Jovohir Jo‘rayev, Saidazamat Mirsaidov, Xurshid Ubaydullayev, Bekzod Shamsiyev, Ibrohim Ibragimov, Diyor Holmatov, Abdulaziz Abdusalomov, Asilbek Obidov, Alisher Odilov.
Zaxiradan maydonga tushganlar: Mo‘minmirzo Qodirov, Eldor Begimov, Doston Tursunov, Ulug‘bek Aknazarov, Husain Norchayev, Tohir Rafayelov, Bobur Sobirov, Asilbek Qayumov, Mirjalol Mirzayev, Muhammadaziz Ibrohimov, Islom Abdullaxonov.

Mazkur o‘quv-mashg‘ulot yig‘ini ertaga o‘z nihoyasiga yetadi.