Gollandiyalik futbolchi yangi klubi safida ilk matbuot anjumanida ishtirok etganidan xabaringiz bor. Bugun De Ligt «Yuventus» klubining rasmiy sayti uchun kichik, lekin qiziq intervyu berdi. Bu intervyuni sizlar uchun ilindik
Mening «Yuventus» safiga o‘tishim oldinga tashlangan qadam ekanligiga shubha yo‘q. Men ilk kundan boshlab muxlislarning iliq taftini his qila boshladim. Umid qilamanki, o‘z o‘yinlarim bilan ularni hursand etaman va ular istagan muhim futbolchiga aylanaman. Men bu klub safiga kelishimdan oldin Sarri bilan ko‘p bor muloqotda bo‘ldim. To‘g‘risi, uning so‘zlari mening bu klub safiga kelib qo‘shilishim uchun katta turtki bo‘ldi. Hozirda ijtimoiy tarmoqlarda 2006 – yilda «Yuventus» libosida tushgan rasmim ommalashib ketdi. Bu fotoshop emas. Men bolalikdan Fabio Kannavaroning muxlisi ekanligimni yashirib o‘tirmayman.
Bu haqida hamma do‘stlarim bilishadi. Kannavaro mening kumirim edi. «Yuventus» klubi esa, mening eng yoqtirgan klublarimdan biri sifatida yuragimning bir chetidan joy olgan desam, adashmagan bo‘laman. Men «Ayaks» safida Turinda maydonga tushganimda futbol muhitidan haratda qolgan edim.
Menga o‘zim istaganim uchun 4 – raqamni berishganidan xursandman.Bu son men uchun juda qadrli. Umid qilamanki, menga bildirilgan ishonchni to‘liq oqlay olaman. «Millatlar Ligasi» musobaqasining finalidan so‘ng, men aynan «Yuventus»ga o‘tmoqchi ekanligimni angladim. Sababi, meni klubga shaxsan Ronaldu chorladi! Uning so‘zlari menda o‘zimga bo‘lgan ishonchni oshirdi. To‘g‘ri, bu yerga faqat uning so‘zlari uchungina kelganim yo‘q. Eng muhim jihat shundaki, «A seriya» doimo eng kuchli himoyachilarni yetishtirib bergani bilan juda mashxur ekanligini hech kimga sir emas.
Messi yoki Ronaldu? Ular buyuk futbolchilar bo‘lsada, men uchun Ronaldu yaqinroq. Dunyoning eng kuchli futbolchisi bilan birga to‘p surish men uchun sharaf. Ahir undan ko‘p narsa o‘rganishim mumkin. Uning futbolga bo‘lgan hurmati va mehnatini qadrlayman. U o‘zini to‘liq shu sport uchun bag‘ishlagan inson. Undan nimadir o‘rganishni maqsad qilganman.
