Голландиялик футболчи янги клуби сафида илк матбуот анжуманида иштирок этганидан хабарингиз бор. Бугун Де Лигт «Ювентус» клубининг расмий сайти учун кичик, лекин қизиқ интервью берди. Бу интервьюни сизлар учун илиндик
Менинг «Ювентус» сафига ўтишим олдинга ташланган қадам эканлигига шубҳа йўқ. Мен илк кундан бошлаб мухлисларнинг илиқ тафтини ҳис қила бошладим. Умид қиламанки, ўз ўйинларим билан уларни ҳурсанд этаман ва улар истаган муҳим футболчига айланаман. Мен бу клуб сафига келишимдан олдин Сарри билан кўп бор мулоқотда бўлдим. Тўғриси, унинг сўзлари менинг бу клуб сафига келиб қўшилишим учун катта туртки бўлди. Ҳозирда ижтимоий тармоқларда 2006 – йилда «Ювентус» либосида тушган расмим оммалашиб кетди. Бу фотошоп эмас. Мен болаликдан Фабио Каннаваронинг мухлиси эканлигимни яшириб ўтирмайман.
Бу ҳақида ҳамма дўстларим билишади. Каннаваро менинг кумирим эди. «Ювентус» клуби эса, менинг энг ёқтирган клубларимдан бири сифатида юрагимнинг бир четидан жой олган десам, адашмаган бўламан. Мен «Аякс» сафида Туринда майдонга тушганимда футбол муҳитидан ҳаратда қолган эдим.
Менга ўзим истаганим учун 4 – рақамни беришганидан хурсандман.Бу сон мен учун жуда қадрли. Умид қиламанки, менга билдирилган ишончни тўлиқ оқлай оламан. «Миллатлар Лигаси» мусобақасининг финалидан сўнг, мен айнан «Ювентус»га ўтмоқчи эканлигимни англадим. Сабаби, мени клубга шахсан Роналду чорлади! Унинг сўзлари менда ўзимга бўлган ишончни оширди. Тўғри, бу ерга фақат унинг сўзлари учунгина келганим йўқ. Энг муҳим жиҳат шундаки, «А церийа» доимо энг кучли ҳимоячиларни етиштириб бергани билан жуда машхур эканлигини ҳеч кимга сир эмас.
Месси ёки Роналду? Улар буюк футболчилар бўлсада, мен учун Роналду яқинроқ. Дунёнинг энг кучли футболчиси билан бирга тўп суриш мен учун шараф. Аҳир ундан кўп нарса ўрганишим мумкин. Унинг футболга бўлган ҳурмати ва меҳнатини қадрлайман. У ўзини тўлиқ шу спорт учун бағишлаган инсон. Ундан нимадир ўрганишни мақсад қилганман.
