Yangi mavsumga tayyorgarlik ko‘rayotgan klublar turli xalqaro musobaqalarda ishtirok etishmoqda. Ana shunday musobaqalar doirasida kecha tunda «Tottenhem» va «Yuventus» jamoalari to‘qnash kelishdi. Bu uchrashuv 3 : 2 hisobida ingilizlarning g‘alabasi bilan yakunlandi. O‘yindan so‘ng murabbiylar va Ronaldu o‘z fikrlari bilan o‘rtoqlashdi. Shu intervyularni sizlar uchun tarjima qildik
Maurisio Sarri
O‘yin mobaynida ikki jamoa ham mag‘lubiyatga loyiq emas edi. Bu uchrashuvda durang qayd etilishi va g‘olib penaltilar seriyasida aniqlanishi kerak edi. Bizga o‘yin davomida omad yetishmadi. Shunday bo‘lsada, biz xafa emasmiz. Oldinda bizni muhim uchrashuvlar kutib turibdi. Umid qilamizki, qolgan bahslarda o‘zimizning kuchli tomonlarimizni namoyish etamiz. Hozirda mening asosiy maqsadim futbolchilarni sinab olish va asosiy tarkibni shakillantirish. Pogbaning qaytishi borasida hech narsa deya olmayman. Uning o‘yinlari menga juda yoqadi, biroq transferi borasida hech qanday ma’lumotga ega emasman. Men murabbiyman, sport direktori emas!
Pochetino
Bugungi bahs menga «Ayaks»ga qarshi kechgan javob uchrashuvini esalatib yubordi. Bugun yigitlar harakter namoyish etishdi. To‘g‘ri, bu o‘rtoqlik uchrashuvi, biroq bizda g‘alaba ruhi bor ekanligi yoqimli hol. Bugun Keynning goli ko‘p narsani o‘zgartirib yubordi. Men doimo uni asosiy tarkibning yetakchisi ekanini aytib kelaman. Erikson borasida hech qanday yangilik yo‘q. Umid qilamizki, u biz bilan qoladi. U ajoyib yigit va juda iqtidorli futbolchi. Voqealar rivoji keskin o‘zgarib ketishi ham hech gap emas. Ndombelening o‘yini menga manzur keldi. U o‘zining ilk uchrashuvidayoq transferini oqlashga tushib ketdi. Bizga markazda chaqqon harakatlanadigan futbolchi kerak edi va uni qo‘lga kiritdik.
Ronaldu
Men bugun «Tottenhem» bizdan kuchli o‘yin ko‘rsatmaganini ishonch bilan ayta olaman. Imkoniyatlar teng bo‘lgan bo‘lsada, Keyn juda chiroyli gol kiritdi. Uning golida omad unga qarashib yuborganini inobatga olmasak, bu shunchaki fantastika edi! Debyut uchrashuvini o‘tkazgan De LIgt haqida biror nima deyish juda mushkul. Sababi, unda o‘zini ko‘rsatish uchun vaqt bo‘lganicha yo‘q. Afsuski, bugun bir necha bor xatolarga ham yo‘l qoydi, lekin bundan fojea yasamaslik kerak. Unga biroz vaqt zarur. Biz hali ko‘p ishlashimiz va yangi mavsumga qadar to‘liq tayyor bo‘lishimiz lozim. Men uni «Yuventus»da ko‘rishni juda istagan edim va u bizning jamoaga kelib qo‘shildi. Umid qilamanki, tez orada o‘z formasini tiklab oladi.