Янги мавсумга тайёргарлик кўраётган клублар турли халқаро мусобақаларда иштирок этишмоқда. Ана шундай мусобақалар доирасида кеча тунда «Тоттенҳем» ва «Ювентус» жамоалари тўқнаш келишди. Бу учрашув 3 : 2 ҳисобида ингилизларнинг ғалабаси билан якунланди. Ўйиндан сўнг мураббийлар ва Роналду ўз фикрлари билан ўртоқлашди. Шу интервьюларни сизлар учун таржима қилдик
Маурицио Сарри
Ўйин мобайнида икки жамоа ҳам мағлубиятга лойиқ эмас эди. Бу учрашувда дуранг қайд этилиши ва ғолиб пенальтилар церийасида аниқланиши керак эди. Бизга ўйин давомида омад етишмади. Шундай бўлсада, биз хафа эмасмиз. Олдинда бизни муҳим учрашувлар кутиб турибди. Умид қиламизки, қолган баҳсларда ўзимизнинг кучли томонларимизни намойиш этамиз. Ҳозирда менинг асосий мақсадим футболчиларни синаб олиш ва асосий таркибни шакиллантириш. Погбанинг қайтиши борасида ҳеч нарса дея олмайман. Унинг ўйинлари менга жуда ёқади, бироқ трансфери борасида ҳеч қандай маълумотга эга эмасман. Мен мураббийман, спорт директори эмас!
Почетино
Бугунги баҳс менга «Аякс»га қарши кечган жавоб учрашувини эсалатиб юборди. Бугун йигитлар ҳарактер намойиш этишди. Тўғри, бу ўртоқлик учрашуви, бироқ бизда ғалаба руҳи бор эканлиги ёқимли ҳол. Бугун Кейннинг голи кўп нарсани ўзгартириб юборди. Мен доимо уни асосий таркибнинг етакчиси эканини айтиб келаман. Эриксон борасида ҳеч қандай янгилик йўқ. Умид қиламизки, у биз билан қолади. У ажойиб йигит ва жуда иқтидорли футболчи. Воқеалар ривожи кескин ўзгариб кетиши ҳам ҳеч гап эмас. Ндомбеленинг ўйини менга манзур келди. У ўзининг илк учрашувидаёқ трансферини оқлашга тушиб кетди. Бизга марказда чаққон ҳаракатланадиган футболчи керак эди ва уни қўлга киритдик.
Роналду
Мен бугун «Тоттенҳем» биздан кучли ўйин кўрсатмаганини ишонч билан айта оламан. Имкониятлар тенг бўлган бўлсада, Кейн жуда чиройли гол киритди. Унинг голида омад унга қарашиб юборганини инобатга олмасак, бу шунчаки фантастика эди! Дебют учрашувини ўтказган Де ЛИгт ҳақида бирор нима дейиш жуда мушкул. Сабаби, унда ўзини кўрсатиш учун вақт бўлганича йўқ. Афсуски, бугун бир неча бор хатоларга ҳам йўл қойди, лекин бундан фожеа ясамаслик керак. Унга бироз вақт зарур. Биз ҳали кўп ишлашимиз ва янги мавсумга қадар тўлиқ тайёр бўлишимиз лозим. Мен уни «Ювентус»да кўришни жуда истаган эдим ва у бизнинг жамоага келиб қўшилди. Умид қиламанки, тез орада ўз формасини тиклаб олади.
