Himoyachi Serjinyo Dest joriy mavsum yakunlanganidan keyin "Barselona"ga qaytadi.

PSV 23 yoshli futbolchini 10 million yevroga yaqin summaga sotib olishi mumkin edi, biroq mavsum yakunida amerikalik jiddiy jarohat olib, yil oxirigacha safdan chiqdi. Jurnalist Rik Elfrinkning so‘zlariga ko‘ra, Eyndxoven klubi Destni sotib olish opsiyasini faollashtirmaslikka qaror qilgan. Katta ehtimol bilan Niderlandiya chempionlari futbolchini tuzalishi muvaffaqiyatli bo‘lsa, 2025 yilning yanvarida o‘z safiga qo‘shib olishga harakat qiladi.

Serjinyo Destning "Barselona" bilan shartnomasi keyingi mavsum oxirigacha amal qiladi. U PSV safida 37 ta o‘yinda maydonga tushib, 2 ta gol urdi va 7 ta golli uzatmani amalga oshirdi.