Ҳимоячи Сержиньо Дест жорий мавсум якунланганидан кейин "Барселона"га қайтади.
ПСВ 23 ёшли футболчини 10 миллион еврога яқин суммага сотиб олиши мумкин эди, бироқ мавсум якунида америкалик жиддий жароҳат олиб, йил охиригача сафдан чиқди. Журналист Рик Эльфринкнинг сўзларига кўра, Эйндховен клуби Дестни сотиб олиш опциясини фаоллаштирмасликка қарор қилган. Катта эҳтимол билан Нидерландия чемпионлари футболчини тузалиши муваффақиятли бўлса, 2025 йилнинг январида ўз сафига қўшиб олишга ҳаракат қилади.
Сержиньо Дестнинг "Барселона" билан шартномаси кейинги мавсум охиригача амал қилади. У ПСВ сафида 37 та ўйинда майдонга тушиб, 2 та гол урди ва 7 та голли узатмани амалга оширди.
