Professional boksning super yengil (-63,5 kg) vazn toifasida NABF (Shimoliy Amerika boks federasiyasi) chempionlik kamari sohibi, rossiyalik Maksim Dadashev (13-1, 11 KO) 23 iyul kuni vafot etdi. Bu haqda GoSport.uz muxbiri xorij manbalariga tayanib xabar bermoqda.
Maksim Dadashev 20 iyul, juma kuni AQSHning Okson Hill shahrida tashkil etilgan boks oqshomida puerto-rikalik Sabriel Matiasga (14-0, 14 KO) qarshi IBF chempionlik kamariga birinchi raqamli da’vogar bo‘lish ringga ko‘tarilgandi. Jang davomida Dadashev juda ko‘plab zarbalarni yetkazib yubordi. 11 raunddan so‘ng uning murabbiyi Bed Makgrit jangni to‘xtatishga qaror qildi. Avvaliga Maksim bunga rozilik bermadi, ammo yakunda murabbiy jangni to‘xtatishga qaror qildi.
Jang yakunlangach, Dadashev o‘zini yomon his qila boshlagan va biroz o‘tib hushini yo‘qotgan. Shunday so‘ng yaqin oradagi shifoxonaga yetkazilgan sportchida miyaning ichki shishi tashxisi qo‘yilgan va sportchi ikki soat davomida shoshilinch operasiya qilingan.
Operasiyadan so‘ng sportchi sun’iy koma holatiga tushib qolgan. Oradan uch kun o‘tib sportchining yuragi bunday og‘ir yuklamalarni ko‘tara olmay urishdan to‘xtagan.
Eslatib o‘tamiz, Maksim Dadashev o‘zbekistonlik bokschi Fazliddin G‘oibnazarov (7-1, 4 KO) bilan birgalikda Top Rank promouterlik kompaniyasi tarkibida shug‘ullanib kelgan. Dadashev sentyabr oyida 29 yoshga to‘lishi lozim edi.
