International Champions Cup musobaqasi doirasida «Manchester Yunayted» klubi Xitoyda «Tottenxem» bilan bahs olib bordi.

O‘yin debyutida jamoalar bittadan qulay imkoniyatlardan foydalana olishmadi. 21-daqiqada esa Antoni Marsial o‘tkir burchak ostida yo‘llagan zarbani "shporlar" posboni Gassaniga oyoqlari orasidan o‘tkazib yubordi.

Ikkinchi bo‘limda londonliklar ko‘proq hujum tashkil qilishdi. Bahsning 65-daqiqasida Lukas Moura jarima maydonchasi chizig‘i ustidan zarba yo‘llaganidan so‘ng to‘p rekoshet holatdi raqib darvozasidan o‘rin oldi.

O‘yin tugashiga 10 daqiqa qolganida "MYU" futbolchilari chiroyli kombinasiya tashkil qilishdi. 18 yoshli Eynjel Gomes darvozabon bilan yakkama-yakka vaziyatga chiqib bordi va o‘tkir burchak ostida aniq zarba berdi.

Shu tariqa, "MYU" mazkur o‘yinda g‘alaba qozonishga muvaffaq bo‘ldi.

International Champions Cup
Tottenxem Angliya – Manchester Yunayted Angliya 1:2 (0:1, 1:1)
Gollar: 0:1 – 21 Marsyal, 1:1 – 65 Lukas Moura, 1:2 – 80 Gomes.
Tottenxem – Gassaniga, Tanganga (Marsh, 70), Vertongen (Alderveyreld, 46), Uoker-Piters (Foyt, 46), Ndombele (Lukas Moura, 46), Georgiu (Uayt, 62), Alli (Roulz, 62), Uinks (Skipp, 46), Sissoko (Eriksen, 62), Perrott (Lamela, 46), Keyn (Son Xeung Min, 46).
Manchester Yunayted – De Xea (Romero, 46), Yang (Shou, 46), Smolling (Bayi, 46; Tuanzebe, 56), Uan-Bissaka (Diogu Dalot, 46), Roxo (Lindelef, 46), Djeyms (Gomes, 46), Maktomini (Matich, 46), Grinvud (Lingard, 46), Pogba (Fred, 46), Marsyal (Reshford, 46), Pereyra (Mata, 46).
Ogohlantirishlar: Alli (12), Pereyra (40), Tanganga (42).