"Manchester Yunayted" himoyachisi Erik Bayi jarohat tufayli uzoq vaqtga safdan chiqdi. Bu haqda klub rasmiy sayti xabar tarqatdi.
Xalqaro chempionlar kubogi doirasida "Tottenxem"ga qarshi o‘yinda olgan jarohati tufayli ivuarlik futbolchi jarrohlik stoliga yotishga majbur bo‘ldi. Shu bois, u 4-5 oy davomida maydonga qayta olmaydi.
Avvalroq ham Bayi tizzasidan olgan jarohat tufayli yarim yil futbol o‘ynay olmagandi. 25 yoshli futbolchi 2016 yildan beri "MYU" sharafini himoya qilib kelmoqda. U klub safida barcha musobaqalar doirasida 74ta o‘yinda maydonga tushib, 1ta gol urgan. Uning klub bilan shartnomasi 2020 yilning yoziga qadar tuzilgan.













