"Манчестер Юнайтед" ҳимоячиси Эрик Байи жароҳат туфайли узоқ вақтга сафдан чиқди. Бу ҳақда клуб расмий сайти хабар тарқатди.
Халқаро чемпионлар кубоги доирасида "Тоттенхэм"га қарши ўйинда олган жароҳати туфайли ивуарлик футболчи жарроҳлик столига ётишга мажбур бўлди. Шу боис, у 4-5 ой давомида майдонга қайта олмайди.
Аввалроқ ҳам Байи тиззасидан олган жароҳат туфайли ярим йил футбол ўйнай олмаганди. 25 ёшли футболчи 2016 йилдан бери "МЮ" шарафини ҳимоя қилиб келмоқда. У клуб сафида барча мусобақалар доирасида 74та ўйинда майдонга тушиб, 1та гол урган. Унинг клуб билан шартномаси 2020 йилнинг ёзига қадар тузилган.