Har yili «Barselona» klubi tomonidan tashkil etiladigan an’anaviy Joan Gamper kubogi o‘yini 54-marta o‘tkazildi. Unda Londonning "Arsenal" klubi kataloniyaliklarga qarshi maydonga chiqdi.

Birinchi bo‘limda tashabbus mezbonlar tomonida bo‘lgan bo‘lsa-da, bahsning 35-daqiqasida Pyer-Emerik Obameyang raqib jarima maydonchasi tashqarisida to‘pni qabul qildi, himoyachi ta’qibidan qochdi va 15 metrlardan zarba berib, "to‘qqizlik"ni aniq nishonga oldi.

Ikkinchi bo‘limda kutilmagan vaziyatda hisob tenglashdi. "Kanonirlar" markaziy himoyachisi Meytlend-Naylz o‘z darvozaboniga noaniq pas berishi natijasida to‘p darvoza chizig‘ini kesib o‘tdi.

O‘yinning eng so‘nggi daqiqasida esa Serxi Roberto deyarli maydon markazidan jarima maydonchasiga yugurayotgan Suares tomon uzatma berdi. Urugvaylik futbolchi haqiqiy hujumchilarga xos ravishdi harakat qilib, darvozani ishg‘ol qildi.

Shu tariqa, "Barselona" 41-marta mazkur Kubok sohibiga aylandi.

Gamper kubogi
"BARSELONA" – "ARSENAL" – 2:1 (0:1)
Gollar: 0:1 – Obameyang (36), 1:1 – Meytlend-Naylz (69, avtogol), 2:1 – Suares (90).
«Barselona»: Neto (ter Stegen, 46), Semedu (Vage, 63), Pike (Langle, 46), Umtiti (Todibo, 46), Alba (Miranda, 63), de Yong (Buskets, 46), Rakitich (Alenya, 46), Puch (Roberto, 46), Dembele (Suares, 63), Peres (Rafinya, 46), Grizmann (Kolyado, 79).
«Arsenal»: Leno, Meytlend-Naylz, Papastatopulos (Mustafi, 86), Chembers, Monreal (Kolashinas, 46), Uillok (Sebalyos, 72), Jaka (Torreyra, 83), Mxitaryan (Saka, 71), O‘zil (Martinelli,73), Nelson (Genduzi, 46), Obameyang (Nketia, 86).