Ҳар йили «Барселона» клуби томонидан ташкил этиладиган анъанавий Жоан Гампер кубоги ўйини 54-марта ўтказилди. Унда Лондоннинг "Арсенал" клуби каталонияликларга қарши майдонга чиқди.

Биринчи бўлимда ташаббус мезбонлар томонида бўлган бўлса-да, баҳснинг 35-дақиқасида Пьер-Эмерик Обамеянг рақиб жарима майдончаси ташқарисида тўпни қабул қилди, ҳимоячи таъқибидан қочди ва 15 метрлардан зарба бериб, "тўққизлик"ни аниқ нишонга олди.

Иккинчи бўлимда кутилмаган вазиятда ҳисоб тенглашди. "Канонирлар" марказий ҳимоячиси Мэйтленд-Найлз ўз дарвозабонига ноаниқ пас бериши натижасида тўп дарвоза чизиғини кесиб ўтди.

Ўйиннинг энг сўнгги дақиқасида эса Серхи Роберто деярли майдон марказидан жарима майдончасига югураётган Суарес томон узатма берди. Уругвайлик футболчи ҳақиқий ҳужумчиларга хос равишди ҳаракат қилиб, дарвозани ишғол қилди.

Шу тариқа, "Барселона" 41-марта мазкур Кубок соҳибига айланди.

Гампер кубоги
"БАРСЕЛОНА" – "АРСЕНАЛ" – 2:1 (0:1)
Голлар: 0:1 – Обамеянг (36), 1:1 – Мэйтленд-Найлз (69, автогол), 2:1 – Суарес (90).
«Барселона»: Нето (тер Стеген, 46), Семеду (Ваге, 63), Пике (Лангле, 46), Умтити (Тодибо, 46), Альба (Миранда, 63), де Йонг (Бускетс, 46), Ракитич (Аленья, 46), Пуч (Роберто, 46), Дембеле (Суарес, 63), Перес (Рафинья, 46), Гризманн (Кольядо, 79).
«Арсенал»: Лено, Мэйтленд-Найлз, Папастатопулос (Мустафи, 86), Чемберс, Монреаль (Колашинац, 46), Уиллок (Себальос, 72), Жака (Торрейра, 83), Мхитарян (Сака, 71), Ўзил (Мартинелли,73), Нелсон (Гендузи, 46), Обамеянг (Нкетиа, 86).