«Liverpul» bosh murabbiyi Yurgen Klopp jamoani tayyorlash uchun turli yo‘llarini qidirmoqda. The Times tarqatgan xabarga ko‘ra, germaniyalik murabbiy syorfing sport turi bo‘yicha professional mutaxassisni yolladi. U futbolchilarga stressdan chiqib ketish yo‘llarini o‘rgatadi.

Germaniyalik mutaxassis Sebastyan Shtoydner basseynda mashg‘ulot o‘tkazib, futbolchilarga xavotirli vaziyatlardan chiqib ketishda yordam beradigan to‘g‘ri nafas olish texnikasini o‘rgatdi.

Klopp o‘tgan mavsumda to‘pni yon chiziqdan o‘yinga kiritishni o‘rgatadigan mutaxassisni yollagan edi. «Liverpul» yakunlangan mavsumda APLda «Manchester Siti»dan 1 ochko ortda qolgan holda 2-o‘rinni egallagan bo‘lsa, Yevropa chempionlar ligasida g‘oliblikni qo‘lga kiritdi.