«Kristal Pelas» klubi o‘zining rasmiy sayti orqali himoyachi Gari Kexill bilan shartnoma imzolanganini e’lon qildi. Tomonlar 2021 yilning yoziga qadar bo‘lgan shartnomaga imzo chekishdi.

«Bu jamoa safiga qo‘shilganimdan xursandman. «Pelas»ga o‘tish – APLdagi faoliyatimni davom ettirish uchun yaxshi imkoniyat. Imkon qadar ko‘proq o‘ynashni istayman. Hozir yaxshi formadaman. Maydonda 110 foizga borimni berib o‘ynayman. Umid qilaman, muxlislar va murabbiylar shtabiga yoqadigan o‘yin namoyish qilaman», – dedi 33 yoshli angliyalik futbolchi shartnoma imzolganidan keyin.

Gari Kexill so‘nggi 7 yil davomida «Chelsi» sharafini himoya qilib, ushbu yozda erkin agent sifatida londonliklar safini tark etdi.