Kataloniyaning «Barselona» klubi «Nyukasl» vingeri Entoni Gordonni o‘z safiga qo‘shib olish arafasida. Tomonlar allaqachon transfer bo‘yicha kelishuvga erishgan, 25 yoshli futbolchi esa payshanba kuni tibbiy ko‘rikdan muvaffaqiyatli o‘tdi.

Jurnalist Gabriel Sansning ma’lum qilishicha, «ko‘k-anorranglilar» ushbu transferni bugun, juma kuni rasman e’lon qilishni rejalashtirmoqda. Gordon jamoaning yangi a’zosi sifatida tanishtirilishi va kontrakt imzolanganidan so‘ng ilk intervyusini berishi kutilmoqda. Mazkur kelishuv «Barselona»ga taxminan 80 million yevroga tushadi.

Ta’kidlash joizki, Entoni Gordonga «Bavariya» va «Liverpul» klublari ham jiddiy qiziqish bildirgan edi, biroq yakunda futbolchi Ispaniya grandini tanladi.