5 avgust kuni, O‘zbekistonda yozgi transfer oynasining so‘ngi kuni bo‘ldi.

“Bunyodkor” futbol klubi transfer oynasining oxirgi kunidan unumli foydalanib qoldi hamda yozgi so‘ngi haridlarini amalga oshirishga ulgurib oldi.

Janubiy Koreyaning “Tedjon Sitizen” klubidan yurtimizga qaytgan taniqli o‘zbek futbolchilaridan biri Sanjar Tursunovga “77” raqami berildi.

So‘ngi mavsumda Gresiyaning “Panegialios” jamoasida to‘p surgan hujumchi Timur Ayupov “Bunyodkor” tarbiyalanuvchisi sanaladi. Uning “qaldirg‘ochlar” safidagi o‘yinlari ko‘pchilikning yodida bo‘lsa kerak. Jamoamizga yana qo‘shilgan Timur “46” raqamini oldi.

Kecha 57 yoshini nishonlagan bosh murabbiyimiz Vadim Abramovni klub xodimlari muborakbod etganlari haqida avval xabar bergandik. Bugun esa, yangi futbolchilarga raqamlar topshirish bahonasida, Vadim Karlenovichga ham, ramziy ma’noda, 57-raqam tuhfa etildi.