O‘zbekiston terma jamoasi bugun Iroq bilan o‘rtoqlik uchrashuvini o‘tkazdi. Falastinga qarshi o‘yinda o‘ziga bildirilgan ishonchni oqlay olmagan yetakchilarni Kuper bu safar maydonga tushirmadi.

Birinchi bo‘limda ustunlik vakillarimiz tomonida bo‘ldi. Shomurodov ikki marta darvozabon bilan yakkama-yakka vaziyatdan foydalana olmagan bo‘lsa, burchak zarbasi amalga oshirilganidan so‘ng Krimes bosh bilan yo‘llagan zarbani qaytarib qoldi.

Ikkinchi bo‘limda Iroq faol o‘yin namoyish qilib, bir nechta golli vaziyatlarga ega bo‘ldi. Ammo ularga ham omad yetishmadi.

Natijada terma jamoamiz sentyabr oyidagi FIFA kunlarida ikkita o‘yinda birorta ham gol ura olmadi.

O‘rtoqlik o‘yini.
O‘ZBEKISTON - IROQ - 0:0
Amman. "Qirol Abdulloh ikkinchi". 21:00
O‘zbekiston: 12.Sanjar Quvvatov, 6.Davron Hoshimov, 20.Islom To‘xtaxo‘jayev, 15.Egor Krimes (Doston Tursunov 68), 4.Farrux Sayfiyev, 7.Odil Hamrobekov, 18.Azizjon G‘aniyev, 19.Quvondiq Ro‘ziyev (Doston Hamdamov 62), 23.Sanjar Shoahmedov (Oston O‘runov 65), 10.Jaloliddin Masharipov (Doston Ibragimov 77), 14.Eldor Shomurodov (Igor Sergeev 53)
Iroq: 20.Muhammad Hamid, 3.Mustafo Muhammad, 6.Najim Shvan, 7.Mohanad Abdulrahim, 11.Humam Toriq, 13.Bashar Resan, 14.Amjid Atvan, 15.Durg‘om Ismoil, 16.Usoma Jabbor, 22.Rebin G‘arib, 23.Maytam Jabbor.
Zaxira: 12.Muhammad Solih, 2.Ahmad Xalaf, 4.Suad Notiq, 5.Safa Xodiy, 10.Mohanad Aliy, 17.Alaa Ali, 18.Ayman Hussayn, 19.Mahdi Komil, 21.Alaa Abbos.