Ўзбекистон терма жамоаси бугун Ироқ билан ўртоқлик учрашувини ўтказди. Фаластинга қарши ўйинда ўзига билдирилган ишончни оқлай олмаган етакчиларни Купер бу сафар майдонга туширмади.

Биринчи бўлимда устунлик вакилларимиз томонида бўлди. Шомуродов икки марта дарвозабон билан яккама-якка вазиятдан фойдалана олмаган бўлса, бурчак зарбаси амалга оширилганидан сўнг Кримец бош билан йўллаган зарбани қайтариб қолди.

Иккинчи бўлимда Ироқ фаол ўйин намойиш қилиб, бир нечта голли вазиятларга эга бўлди. Аммо уларга ҳам омад етишмади.

Натижада терма жамоамиз сентябрь ойидаги ФИФА кунларида иккита ўйинда бирорта ҳам гол ура олмади.

Ўртоқлик ўйини.
ЎЗБЕКИСТОН - ИРОҚ - 0:0
Амман. "Қирол Абдуллоҳ иккинчи". 21:00
Ўзбекистон: 12.Санжар Қувватов, 6.Даврон Ҳошимов, 20.Ислом Тўхтахўжаев, 15.Егор Кримец (Достон Турсунов 68), 4.Фаррух Сайфиев, 7.Одил Ҳамробеков, 18.Азизжон Ғаниев, 19.Қувондиқ Рўзиев (Достон Ҳамдамов 62), 23.Санжар Шоаҳмедов (Остон Ўрунов 65), 10.Жалолиддин Машарипов (Достон Ибрагимов 77), 14.Элдор Шомуродов (Игорь Сергеев 53)
Ироқ: 20.Муҳаммад Ҳамид, 3.Мустафо Муҳаммад, 6.Нажим Шван, 7.Моҳанад Абдулраҳим, 11.Ҳумам Ториқ, 13.Башар Ресан, 14.Амжид Атван, 15.Дурғом Исмоил, 16.Усома Жаббор, 22.Ребин Ғариб, 23.Майтам Жаббор.
Захира: 12.Муҳаммад Солиҳ, 2.Аҳмад Халаф, 4.Суад Нотиқ, 5.Сафа Ходий, 10.Моҳанад Алий, 17.Алаа Али, 18.Айман Ҳуссайн, 19.Маҳди Комил, 21.Алаа Аббос.