Argentinalik mutaxassis o‘z shogirdlaridan mamnun.
"Atletiko" bosh murabbiyi Diyego Simeone Chempionlar ligasi birinchi bosqichi doirasidagi "Yuventus" bilan durang (2: 2) haqida fikr bildirdi:
"Birinchi bo‘limda bizga nimadir etishmayotgan edi, "Yuventus" esa tanafusdan so‘ng o‘yinni yetarlicha kuchaytirdi, ammo menga taslim bo‘lmaganimiz va natija uchun kurashganimiz yoqdi.
Hammamiz raqibga muammolar tug‘diradigan vaziyatlarni yaratishga harakat qildik.
Umuman olganda, men durangni yaxshi yoki yomon natija deb hisoblamayman. "Yuventus" juda kuchli, ularda tajribali o‘yinchilar bor va o‘rtacha yoshi 29 yosh, bizda esa 24 yosh. "
