"Rostov" hujumchisi Eldor Shomurodov Rossiya chempionatining 12-tur ramziy terma jamoasiga kiritildi. Bu haqda FNK xabar tarqatdi.
"Moskvada SSKAga qarshi bo‘lib o‘tgan o‘yinda "Rostov" hujumchisi yorqin o‘yin ko‘rsatgan Bayramyanning soyasida qoldi, ammo, shunga qaramay, u foydali va samarali harakat qildi. Aynan uning uzatmasidan keyin Xoren o‘zining ikkinchi golini urdi. Keyin esa Bayramyan o‘z qarzini qaytardi va Eldorni yakkama-yakka vaziyatga chiqardi. Shomurodov mohirlik bilan to‘pni Akinfeevning ustidan oshirib qo‘ydi. O‘zbekistonlik hujumchi yana ikkita vaziyatga ega bo‘lgan edi. Bir vaziyatda posbon qutqargan bo‘lsa, ikkinchisida Eldorga aniqlik yetishmadi. Shu tariqa, Shomurodovning ushbu mavsumdagi gollari soni 10taga yetdi", — deya Shomurodovning o‘yiniga izoh berdi "Futbol na kulichkax" sayti muxbiri.
Darvoqe, Eldor FNK ramziy terma jamoasidan 4 marta o‘rin oldi.
Rossiya premyer-ligasi, 12-tur ramziy terma jamoasi
Darvozabon: Yegor BABURIN ("Rostov", 1)
Himoyachilar: Branislav IVANOVICH ("Zenit", 2), Vilker ANXEL ("Axmat", 1), Sergey TEREXOV ("Orenburg", 1);
Yarim himoyachilar: Zuriko DAVITASHVILI ("Rubin", 1), Matias NORMANN ("Rostov", 3), Magomed OZDOYEV ("Zenit", 3), Xoren BAYRAMYAN ("Rostov, 1);
Hujumchilar: Aleksandr SOBOLEV ("Kr.Sovetov", 4), Eldor SHOMURODOV ("Rostov", 4), Sardor AZMUN ("Zenit, 1)
