Bilasiz, ayni paytda O‘zbekiston milliy terma jamoasi hamda olimpiya terma jamoasi poytaxtimizda yig‘in o‘tkazmoqda.
Milliy terma jamoamiz 10 oktyabr kuni o‘z maydonida Yaman bilan bahs yuritadi. Olimpiya terma jamoamiz esa ertaga Janubiy Koreyaga yo‘l oladi va u yerda olimpiyachilarimiz koreyalik tengqurlari bilan bahs olib borishadi.
Milliy terma jamoamizning bugungi mashg‘uloti ham “Jar” stadionida kechdi. Diqqatga sazovor jihati shundaki, hozirgacha olimpiya terma jamoa safida shug‘ullanayotgan Sanjar Qodirqulov bugundan milliy terma jamoaga qo‘shildi. O‘z navbatida milliy terma jamoa yig‘inga jalb etilgan Oston O‘runov hamda Jasur Yaxshiboyev bugundan boshlab olimpiya terma jamoa ixtiyoriga borib qo‘shilishdi.