Samaraning «Krilya Sovetov» klubi hujumchisi Aleksandr Sobolev Rossiya terma jamoasidan olgan taklifi va terma jamoa bosh murabbiyi Stanislav Cherchesov bilan bo‘lgan suhbat haqida gapirib berdi.

— Terma jamoadagi mashg‘ulotlardan tasavvurlaringiz qanday?

— Hammasi ajoyib! Jamoadagilar iliq kutib olishdi, kayfiyatimiz a’lo. Hammasi ijobiy.

— Kim bilan ko‘proq suhbatlashdingiz? Mashg‘ulotlarda kimdandir o‘rnak olgandirsiz?

— Ko‘pchilik futbolchilar bilan gaplashdim, asta-sekinlik bilan hamma bilan tanishib chiqdim. Hech kim bilan alohida mashg‘ulot o‘tkazmadim. Mashg‘ulotlardan keyin qolib, darvozaga zarba berdik. Ionov, Lunyov va Janayev bilan birgalikda FIFA o‘ynadik.

— Cherchesov bilan alohida suhbat bo‘ldimi?

— Terma jamoaga qo‘shilishim bilanoq u bilan gaplashdim. U mendan kayfiyatim, tayyorgarligim haqida so‘radi. Suhbatimiz shu bo‘ldi xolos. Birinchi marta terma jamoada edim, yangi kollektiv. Men hatto maydonga tushishimni o‘ylamadim ham. Terma jamoadagilar bilan tanishib olish va ko‘nikib olishim kerak edi. Terma jamoa murabbiylar shtabidan hafa bo‘lishim kerak emas.

— Terma jamoadan klubingizga qaytganingizdan keyin o‘zingizni kuchliroq his qilyapsizmi?

— Yo‘q, hammasi avvalgidek. Mashg‘ulot olib boryapman, ishlayapman, yaqin kunlarda o‘yinimiz bor.

— Terma jamoadan taklif bo‘lgan paytda siz ovqatlanayotgandingiz. Terma jamoadan taklif olish uchun ovqatlanish kerakmi?

— Ovqatlanish emas, ishlash kerak (kuladi). Terma jamoadan taklif olish uchun tinimsiz mehnat qilish kerak

22 yoshli Sobolev joriy mavsumda RPL chempionatida 12 ta uchrashuvda maydonga tushib, 10 ta gol urishga muvaffaq bo‘ldi.