Coca Cola Superliga 22-turidan o‘rin olgan bahsda “Navbahor” Termizda “Surxon” mehmoni bo‘ladi. Bo‘lajak bahs oldidan “Navbahor”ning mahoratli yarim himoyachisi Nodir Mavlonov o‘z fikrlarini bildirib o‘tdi.

- Mazkur o‘yinga jiddiy tayyorgarlik ko‘rdik. Boisi,”Navbahor”ni oldinda prinsipial ahamiyatga ega bo‘lgan muhim o‘yin kutib turibdi.

Chunki “Surxon” tarkibida sobiq “navbahorchilar” to‘p surishlaridan tashqari, termizliklar jamoamiz kabi sovrindorlar safidan o‘rin olish uchun kurash olib borishmoqda. Shu bois, bo‘lajak bahsning murosasiz va keskin kurashlar ostida kechishi ehtimoli yuqori.    

O‘tgan turda “Dinamo”ni (1:0), shuningdek, o‘rtoqlik bahsida “Andijon”ni (2:0)ni mag‘lubiyatga uchratishga muvaffaq bo‘ldik.

Shu bois, Termizga biz – futbolchilar a’lo kayfiyatda yetib keldik.

Umid qilamanki, ushbu kayfiyat bizni “Surxon” bilan kechadigan o‘yindan so‘ng ham tark etmasin, ya’ni g‘alaba qozonib, klub rahbariyati va muxlislarga quvonch ulashaylik.     

Bo‘lajak bahsda zafar quchish uchun barcha imkoniyatimizni ishga solamiz.

“Navbahor” PFK matbuot xizmati.