Myunxenning “Bavariya” klubi darvozaboni Manuel Noyer YECHL guruh bosqichi doirasida «Olimpiakos» klubi ustidan qozonilgan g‘alabadan keyingi fikrlari bilan o‘rtoqlashdi.
— O‘yin mobaynida o‘zimizga bo‘lgan ishonch yetishmadi, natijada o‘zimiz uchun o‘yinni qiyinlashtirib oldik. Ko‘rsatgan o‘yinimizni tahlil qilib, kamchiliklar ustida ishlashimiz kerak. Hozir muammo shundaki, g‘alaba qozonishimiz uchun har bir uchrashuvda uchta gol urishimiz kerak. Chunki, o‘z darvozamizdan ikkitadan gol o‘tkazib yuborishda davom etmoqdamiz, — dedi Noyer.
Niko Kovach shogirdlari guruhja o‘tkazilgan uchta uchrashuvning barchasida g‘alaba qozonib, turnir jadvalini boshqarib kelmoqda.
