Kecha tunda Turin klubi o‘z uyida Moskvaning «Lokomotiv»ini katta qiyinchilik bilan mag‘lubiyatga uchratganidan xabaringiz bor. O‘sha uchrashuvdan song, «temiryo‘lchilar» ustozi Yuri Syomin Ronaldu bilan qisqa suhbat qurdi va bu OAVda katta qiziqish uyg‘otdi. O‘yindan so‘ng, o‘z fikrlari bilan o‘rtoqlashib o‘tgan «Lokomotiv» ustozi voqeyaga oydinlik kiritib o‘tdi.

Men qanchalar g‘alati tuyulmasin o‘z futbolchilarimdan mamnunman. Ular bugun dunyoning eng kuchli klubig qarshi mardonavor turib berishdi va maydonga barcha kuchlarini tashlab ketishdi. Bu «Yuventus» va unga qarshi boshqacha to‘p surishning iloji yo‘q. Bizning o‘yinga talangan strategiyamiz hammaga manzur bo‘lmasligi mumkin, biroq biz shu uslubni tanladik.

Asosiy maqsadimiz tartibli futbol o‘ynab o‘z daqiqalarimizni kutish edi. Qaysidir ma’noda o‘yining 3/2 qismida rejamiz ish berdi, biroq so‘nggi  15 daqiqa barchasini ostun-ustun qilib yubordi. Bugun bizda ham imkoniyatlar bo‘lgan bo‘lsada, g‘alabani «Yuventus» ilib ketdi. Shunday qaramay, yigitlarimdan xafa emasman. Ular bugun yaxshi o‘yin o‘tkazishdi. «Yuventus»ning har bir nuqtasida dunyoning eng kuchli futbolchilari to‘p surishadi.

Ularga qarshi maydonda tengma-teng to‘p surish juda mushkul. O‘yindan so‘ng, Ronaldu oldimga kelib bugun juda qiyin uchrashuv bo‘lganini, biroz ochiqroq to‘p surganimizda yanada qiyinroq bo‘lishini aytdi. Men esa: «agar ochiqroq futbol o‘ynaganimizda, o‘zimiz ko‘proq qiynalgan bo‘lar edik»- dedim.