Rossiyaning «Zenit» klubi himoyachisi Duglas Santos o‘z faoliyatida Germaniya chempionati qanday o‘rin tutishi haqida gapirib berdi.

Santos «Zenit» klubiga 2019 yilning yozida transfer bo‘lgandi. Ungacha esa «Gamburg» klubida uch yil faoliyat olib borgan.

— Bundesliga menga ko‘p narsani o‘rgatdi. Aniqlik va mehnatsevarlikni— dedi Santos  matchtv.ru bilan suhbatdi.

— Bu borada Germaniyada jiddiy. Ushbu tajribam men “Zenit” klubiga ko‘nikib ketishimga katta yordam berdi. Qolaversa, «Zenit» klubida birinchi kunimdanoq menga yaqindan yordam bergan insonlar bor.SHu bois, ko‘chada havo kundan kungacha sovuq bo‘layotgan bo‘lishiga qaramasdan, har qanday chaqiriqni qabul qilaman.

«Gamburg»da hammasi boshqacha edi. Kimdir kech qolsa, u bilan qanday muomila qilishayotganini, katta miqdorlarda jarima qo‘llayotganini ko‘rdim. Bir necha ming yevro! Boshida men nemis tilini umuman tushunmasdim. Agar nimadir reja asosida ketmasa murabbiylar baland ovozda gapirishardi, vaziyat tezda jiddiylashib qolardi. To‘g‘risini aytaman, bu men uchun dahshatli edi. Biroq, hech qachon kech qolmaslikka va klub ichki tartib intizomini buzmaslikka o‘zimga o‘zim va’da berganman.