Rossiyaning «Zenit» klubi yarim himoyachisi  Magomed Ozdoyevning otasi Mustafa Ozdoyev o‘g‘li futbol bilan qanday shug‘ullanganligi haqida so‘zlar berdi.

— Chechenistondan Ingushetiyaga kelganimizda, qochqinlar gavjum joyga xotinim uchun beshta stoldan iborat kafe qurib berdi. Yonimizda Magmed 4 yil futbol o‘ynagan istirohat bog‘ining muassasi bor edi. Uyga qaytganimda kichkina o‘g‘lim yo‘q ekan. «Qani u?» — deb so‘radim. «Stadionda»-deb aytishdi. Stadionga keldim va devor ortidan qaradim. Magomed yomon harakat qilmayotgandi, uning harakatlari menga yoqdi. Uyga qaytayotib undan so‘radim: «Tug‘ilgan kuningga nima xohlaysan?». «Menga hech narsa kerak emas. Siz futbol o‘ynagansiz. Bizga mashg‘ulot o‘ting»-dedi.

— Oradan ikki hafta o‘tgach, xotinimga va katta farzandimga: «Bugun ariza yozib ishdan bo‘shadim. Endi kichkina o‘g‘lim uchun futbol bilan shug‘ullanaman. Hech kim g‘azablanmasligi kerak». Shu tariqa yetti yil o‘tdi.

— Bolalarni mashg‘uloti orqali umuman pul ishlamaganman. Magomedga aytdim: «Men nima desam shuni qilaman. Sen uchun hamma narsani qoldiraman. Oilamiz jabr ko‘ra, kam pulimiz bo‘ladi, sen shularni hurmati faqat futbol haqida o‘ylashing kerak».

— Oradan ikki yil o‘tgach bizni respublika miqyosidagi turnirga taklif qilishdi. Barchani mag‘lub etdik. Hattoki bir nechta jamoalari birinchi bo‘lim yakunlanmasidanoq maydondan chiqib ketishdi. Biroq, bizni hech narsa bilan taqdirlashmadi. Keyin men Magomed va yana ikki futbolchini Respublika futbol maktabiga topshirdim, sabab mustaqil bo‘lishlari kerak edi. Ular vagonda to‘rt kishi yashashar edi (o‘sha paytlar uchun bu normal sharoit edi), Biroq, Magomed kichik jarohat oldi. Men uni uyga olib keldim, — deb eslaydi Ozdoyevning otasi.

Eslatib o‘tamiz, 26 yoshli Ozdoyev «Zenit» klubida  2018 yildan buyon o‘ynab kelmoqda.