Germaniyaning «RB Leypsig» klubi sobiq bosh murabbiyi Ralf Rangnik Angliyaning «Manchester Yunayted» klubini boshqarishi mumkinligini haqida xabar tarqatdi Sport Bild.
Manbaning aytishiga qaraganda, “qizil iblislar” rahbariyati 61 yoshli mutaxassisni jamoaga bosh murabbiy sifatida olib kelishmoqchi. Ayni paytda Rangnik Red Bull kompaniyasining sport bo‘limini boshqarmoqda.
Xabarda aytilishicha, Rangnikning o‘zi mabodo Niko Kovach «Bavariya» klubini tark etadigan bo‘lsa, uning o‘rnini egallash maqsadadi mnyuxenliklarga taklif yuborgan. O‘tgan mavsumda “Bavariya” ushbu mutaxassis bilan muzokara olib borgandi, biroq, «Bavariya» klubi prezidenti Uli Xyoness xorvatiyalik mutaxassisni qo‘llab-quvvatlagandi.
Aytilishicha, Rangnikni jamoaga taklif qilib g‘oyasini direktorlar kengashi raisi Karl-Xayns Rummenigge qo‘llab-quvvatlamoqda.