"Paxtakor" ushbu mavsumda ikkinchi sovrin egasiga aylandi. "Lokomotiv" stadionida AGMKga qarshi bo‘lib o‘tgan o‘yinda Arveladze jamoasi ishonchli g‘alabani qo‘lga kiritdi.

Toshkentliklar butun o‘yin davomida tashabbusga ega bo‘lib, raqib darvozasi oldida ko‘plab vaziyatlar yaratishdi. Yarim soat davomida yaxshi himoyalangan olmaliqlar 31-daqiqada o‘z darvozasidan to‘p olib chiqishdi. Paxatkorchilik maydon markazida himoyachidan to‘pni olib qo‘yib, oldinga o‘tishdi. Hamdamovning pasidan keyin Cheran 25 metrlardan shu qadar mukammal zarbani amalga oshirdiki, to‘p darvozabonning ustidan oshib, to‘rga borib tushdi.

Uchrashuvning 60-daqiqasida Cheranning uzatmasidan keyin to‘pga harakat qilayotgan Masharipovni Shorahmedov jarima maydoni ichida qo‘li bilan tortib qoldi. Belgilangan penalti Cheran aniq amalga oshirib, hisobdagi farqni oshirdi.

Bahsning 77-daqiqasida Dragan "xet-trik"ni rasmiylashtirdi. Masharipov chap qanotdan yetkazgan uzatmani bolqonlik futbolchi jarima maydoni chizig‘i ustidan to‘xtatmasdan darvozaga joylab qo‘ydi.

Shu tariqa, "Paxtakor" o‘z tarixida 12-marta O‘zbekiston kubogi sohibiga aylandi.

O‘zbekiston kubogi, final
"PAXTAKOR" - AGMK - 3:0 (1:0)
Gollar: Dragan Cheran (31, 61-penalti, 77)
"Paxtakor": Suyunov, Alijonov, A’zamov, Simich (s), Sayfiyev, Hamrobekov, Sobirxo‘jayev, Hamdamov, Cheran, Masharipov, Sergeev.
Zaxira: Quvvatov, Salimov, Iminov, Krimes, Mahmudhojiyev, Bikmayev, Kozak, Yo‘ldoshev, G‘ofurov.
AGMK: Sultonov, Shorahmedov, Yo‘ldoshev, Rahmonov, Rahmatov, Qosimov, Boydullayev, Jo‘rayev, Grigalashvili, Toshmatov, Nurmatov.
Zaxira: Abdulov, Shixov, Pirimov, Hakimov, Sulaymonov, Umarov, Abdunabiyev, Kasminin, Zonich.