Ispaniya chempionatining 10-turi doirasida "Atletiko" o‘z maydonida Bilbaoning "Atletik" klubini qabul qildi.

Birinchi bo‘limda mezbonlar posboni Yan Oblak ikkita vaziyatda darvozasini goldan qutqarib qoldi. Bahsning 28-daqiqasida Saul hisobni ochdi. Bo‘limga qo‘shib berilgan daqiqalarda esa ushbu futbolchi hisobdagi farqni oshirishi mumkin edi, ammo unga omad kulib boqmadi.

Ikkinchi bo‘lim o‘rtalarida Alvaro Morata "Atletik" darvozasini ishg‘ol qilib, jamoasining g‘alabasiga hissa qo‘shdi.

Shu tariqa, "Atletiko" ketma-ket 3ta durangdan keyin g‘alaba qozondi hamda o‘z ochkolarini 19taga yetkazib, peshqadam "Barselona" bilan tenglashib oldi.

Ispaniya La ligasi, 10-tur
Atletiko – Atletik 2:0 (1:0, 1:0)
Gollar: 1:0 – 28 Saul, 2:0 – 64 Morata.
Atletiko – Oblak, Trippyer, Felipe, Ermoso, Lodi, Koke, Tomas, Saul, Lemar (Vitolo, 77), Korrea (Errera, 66), Morata (Diyego Kosta, 67).
Atletik – Unai Simon, Kapa (De Markos, 79), Nunyes, Martines, Berchiche, Dani Garsiya, Unai Lopes, Muniain, Raul Garsiya, Kordoba (Ibai Gomes, 56), Uilyams (Aduris, 67).
Ogohlantirishlar: Saul (42), Korrea (44), Raul Garsiya (72), Unai Simon (83).