Испания чемпионатининг 10-тури доирасида "Атлетико" ўз майдонида Бильбаонинг "Атлетик" клубини қабул қилди.

Биринчи бўлимда мезбонлар посбони Ян Облак иккита вазиятда дарвозасини голдан қутқариб қолди. Баҳснинг 28-дақиқасида Сауль ҳисобни очди. Бўлимга қўшиб берилган дақиқаларда эса ушбу футболчи ҳисобдаги фарқни ошириши мумкин эди, аммо унга омад кулиб боқмади.

Иккинчи бўлим ўрталарида Альваро Мората "Атлетик" дарвозасини ишғол қилиб, жамоасининг ғалабасига ҳисса қўшди.

Шу тариқа, "Атлетико" кетма-кет 3та дурангдан кейин ғалаба қозонди ҳамда ўз очколарини 19тага етказиб, пешқадам "Барселона" билан тенглашиб олди.

Испания Ла лигаси, 10-тур
Атлетико – Атлетик 2:0 (1:0, 1:0)
Голлар: 1:0 – 28 Сауль, 2:0 – 64 Мората.
Атлетико – Облак, Триппьер, Фелипе, Эрмосо, Лоди, Коке, Томас, Сауль, Лемар (Витоло, 77), Корреа (Эррера, 66), Мората (Диего Коста, 67).
Атлетик – Унаи Симон, Капа (Де Маркос, 79), Нуньес, Мартинес, Берчиче, Дани Гарсия, Унаи Лопес, Муниаин, Рауль Гарсия, Кордоба (Ибаи Гомес, 56), Уильямс (Адурис, 67).
Огоҳлантиришлар: Сауль (42), Корреа (44), Рауль Гарсия (72), Унаи Симон (83).