Angliyaning "Manchester Siti" klubi yarim himoyachisi Kevin de Breyne "Aston Villa" (3:0) klubiga qarshi o‘yindan keyingi fikrlarini bildirib o‘tdi.
"Birinchi bo‘limda bizda shiddat yo‘q edi, odatdagidek sekin o‘yin namoyish etdik. Biz birinchi bo‘limda murabbiy ko‘rsatmasini to‘laqonlik bajarmadik va shu bois raqibni qarshi hujumda o‘tkazib yubordik. Tanaffus chog‘ida ushbu xato ustida suhbatlashdik va o‘yinni to‘liq nazoratimizga oldik. "Liverpul"dan ortda qolish? Oldimizda ko‘plab o‘yinlar bor. Bu mavsum og‘ir. Biz bor kuchimiz bilan o‘ynashga harakat qilamiz", - dedi de Breyne BBC bilan suhbatda.













