Londonning «Tottenxem» klubi bosh murabbiyi “Liverpul” klubiga qarshi o‘yindan oldinga fikrlari bilan o‘rtoqlashib, “mersisaydliklar”ning bosh murabbiyi Yurgen Klopp bilan qanday munosabatda ekanligiga to‘htalib o‘tdi.
«Aminmanki, bizni jiddiy sinov kutyapti. Qiyin o‘yin bo‘ladi. “Liverpul” mavsumni fantastik tarzda o‘tkazmoqda. O‘tgan mavsumda “Liverpul” bosh sovrin uchun kurashda “Man Siti” klubiga juda yaqin kelgan edi, shuningdek, Chempionlar Ligasida ham jasorat ko‘rsatdi. O‘ylaymanki, jamoa ajoyib ishni amalga oshirdi.
Yurgen Klopp — fantastik inson, munosatalarimiz a’lo, uning olib borayotgan ishiga hayron qolaman. U bilan yana bir bor uchrashish yoqimli albatta. Bizga qarshi ajoyib futbolchilarga ega bo‘lgan jamoa o‘ynaydi», — dedi Pochettino Sky Sportsga bergan intervyusida.
