Rossiyaning «Zenit» klubi hujumchisi Sebastyan Driussi jamoa Chempionlar Ligasi guruhida chiqish asosiy vazifa ekanligini aytib o‘tdi.

— Yechropa Chempionlari Ligasida o‘ynash sizning orzuingiz ekanligini haqida aytgandingiz. Umidlar amalga oshdimi?

— Ha, albatta!Oldimizda yana uchta muhim uchrashuv turibdi, uning ikkitasini o‘z maydonimizda o‘ynaymiz. Oldimizda imkon qadar ko‘proq ochko jamg‘arib, guruhdan chiqish vazifasi turibdi. Bu ishni amalga oshirib bor kuchimizni ishga solamiz.

— Ushbu turnirdagi uchrashuv RPLning eng kuchli jamoasiga qarshi o‘yindan qanday farq qiladi?

— Tezligi bilan. Yevropa futbolida tezlik umuman boshqa. U yerda tezkor futbolchilar ko‘p. Yaxshiyamki turnirni biz yaxshi boshladik va shunday harakat qilishda davom etyapmiz.

— «Zenit» guruhdagi barcha raqiblari bilan o‘ynashga ulgurdi. Ularning qaysi biri ko‘proq yoqdi?

— «RB Leypsig». Ular tarkibida maydon markazida to‘p bilan ajoyib muomila qiladigan futbolchilar jamlangan. Germaniya klublari nima qilish kerakligini juda yaxshi bilishadi. Ular ikkinchi bo‘limda bizga yetarlicha qarshilik ko‘rsatishdi va yuzaga kelgan vaziyatlaridan unumli foydalanishdi.

— Turnir boshlanishidan avval guruhdagi jamoalarning kuchi teng deyish mumkinmidi?

— Ha, shubhasiz. Guruhdagi to‘rtta jamoa ham maydonda deyarli bir xil kuchga ega. Shu bilan birga barcha klublarning kuchli va kuchsiz jihatlari bor.

Driussi joriy mavsumda 15 ta uchrashuvda maydonga tushib, 1 ta gol kiritishga muvaffaq bo‘ldi.