Turinning "Yuventus" klubi yarim himoyachisi Aaron Remzi “Lokomotiv” jamoasiga qarshi bo‘lib o‘tgan uchrashuvdan so‘ng, jamoadoshi Krishtianu Ronaldudan kechirim so‘radi
"Lokomotiv" - "Yuventus" jamoalari o‘rtasidagi uchrashuvda Ronalduning jarimadan yo‘llagan zarbasini “Loko” posboni qo‘lidan chiqarib yubordi va darvozaga kirib ketayotgan to‘pga Remzi tegdi va gol uning hisobiga yozildi.
"Birinchi golni olib qo‘yganim uchun Krishtianudan kechirim so‘rayman. Bugun xursandmiz, o‘ylagan natijani qo‘lga kiritdik. Endi keyingi o‘yinga tayyorgarlik ko‘rishimiz kerak. Mavsum boshlidagi mashg‘ulotlarni jarohat sabab o‘tkazib yuborgandim. Hozir o‘zimni juda yaxshi his qilyapman", - Remzining so‘zlaridan iqtibos keltirmoqda TASS.