Туриннинг "Ювентус" клуби ярим ҳимоячиси Аарон Рэмзи “Локомотив” жамоасига қарши бўлиб ўтган учрашувдан сўнг, жамоадоши Криштиану Роналдудан кечирим сўради
"Локомотив" - "Ювентус" жамоалари ўртасидаги учрашувда Роналдунинг жаримадан йўллаган зарбасини “Локо” посбони қўлидан чиқариб юборди ва дарвозага кириб кетаётган тўпга Рэмзи тегди ва гол унинг ҳисобига ёзилди.
"Биринчи голни олиб қўйганим учун Криштианудан кечирим сўрайман. Бугун хурсандмиз, ўйлаган натижани қўлга киритдик. Энди кейинги ўйинга тайёргарлик кўришимиз керак. Мавсум бошлидаги машғулотларни жароҳат сабаб ўтказиб юборгандим. Ҳозир ўзимни жуда яхши ҳис қиляпман", - Рэмзининг сўзларидан иқтибос келтирмоқда ТАСС.