«Реал» раҳбарияти юлдузли ҳужумчилардан бирининг эҳтимолий трансфери ҳақида бош қотирмоқда. The Touchline нашрининг ESPN журналистига таяниб хабар беришича, клуб ичидаги айрим инсонлар Килиан Мбаппе ва Винисиус Жуниорнинг жамоада бир вақтнинг ўзида бўлиши кутилган даражада самара бермаслиги мумкин деб ҳисобламоқда.
Баъзиларнинг фикрича, жамоада мувозанатни сақлаш учун ушбу ҳужумчилардан бири клубни тарк этишига тўғри келиши мумкин. Шу билан бирга, «Реал» президенти Флорентино Перес бу хавотирларга қўшилмайди. У Винисиус ва Мбаппе ҳужумда биргаликда муваффақиятли ўйнаб, натижа келтира олишига ишонмоқда.
Ҳозирда «Реал» Испания чемпионати турнир жадвалида иккинчи ўринни эгаллаб турибди.
