«Штутгарт» ярим ҳимоячиси Анджело Штиллер ёзги трансфер ойнасида клубини ўзгартириши мумкин.

Tuttosport нашри берган маълумотларга кўра, 25 ёшли хавбек учун Европанинг икки гранди — «Манчестер Юнайтед» ва «Ювентус» фаол кураш олиб бормоқда.

Қайд этилишича, айни дамда ушбу пойгада «қизил иблислар» пешқадамлик қилмоқда. Германиялик футболчининг шартномасида 40 миллион евро миқдорида товон пули белгиланган.

Жорий мавсумда Штиллер барча турнирларни инобатга олган ҳолда 48 та учрашувда майдонга тушиб, 2 та гол урди ва 10 та голли узатмани ўз ҳисобига ёздириб қўйди. Штиллернинг клуб билан амалдаги меҳнат шартномаси 2028 йилнинг июнига қадар мўлжалланган.