«Shtutgart» yarim himoyachisi Andjelo Shtiller yozgi transfer oynasida klubini o‘zgartirishi mumkin.

Tuttosport nashri bergan ma’lumotlarga ko‘ra, 25 yoshli xavbek uchun Yevropaning ikki grandi — «Manchester Yunayted» va «Yuventus» faol kurash olib bormoqda.

Qayd etilishicha, ayni damda ushbu poygada «qizil iblislar» peshqadamlik qilmoqda. Germaniyalik futbolchining shartnomasida 40 million yevro miqdorida tovon puli belgilangan.

Joriy mavsumda Shtiller barcha turnirlarni inobatga olgan holda 48 ta uchrashuvda maydonga tushib, 2 ta gol urdi va 10 ta golli uzatmani o‘z hisobiga yozdirib qo‘ydi. Shtillerning klub bilan amaldagi mehnat shartnomasi 2028 yilning iyuniga qadar mo‘ljallangan.