«Барселона» бош мураббий Ханс-Дитер Флик билан янги шартнома имзоланганини эълон қилиш арафасида турибди.

Мутахассиснинг амалдаги шартномаси 2027 йилгача мўлжалланган, бироқ аввалроқ бир неча бор хабар берилганидек, у яна бир йилга узайтирилади. Diario Sport нашрининг маълумотига кўра, клуб аллақачон германиялик мутахассис билан келишув тузилгани ҳақида расмий баёнот тайёрламоқда – барчаси яқин ҳафталар ичида тасдиқланади.

Флик 2024 йилнинг ёзидан буён «кўк-анорранглилар»ни бошқариб келмоқда. Жамоа кетма-кет иккинчи бор Ла Лига чемпионлигини қўлга киритишга яқин турибди. Шунингдек, амалдаги мураббий қўл остида каталонияликлар Испания Кубогида зафар қучишган ва икки бор Суперкубок ғолибига айланишган.