Жозе Моуриньо «Реал» бош мураббийлигига қайтиши мумкинлиги ҳақидаги муҳокамаларга айёрона муносабат билдирди.

«Менинг яқин орадаги мақсадим — «Бенфика»ни Чемпионлар лигасига олиб чиқиш», — дея Моуриньонинг сўзларини келтиради Goal портали Il Giornale нашрига таяниб.

Ҳозирда «Бенфика» Португалия чемпионати турнир жадвалида иккинчи ўринда бормоқда. Моуриньо жамоаси пешқадам «Порту»дан етти очко орқада қолмоқда. Мавсум якунигача учта тур қолди.

Эслатиб ўтамиз, Жозе Моуриньо аввал ҳам (2010–2013 йилларда) уч мавсум давомида «Реал»ни бошқарган. Сўнгги ҳафталарда матбуотда португалиялик мутахассиснинг Мадрид топ-клубига қайтишга тайёрлиги ҳақида кўплаб хабарлар тарқалган эди.